Tomas Bax Yaponiyaya gedir

Beynəlxalq Olimpiya Komitəsinin (BOK) prezidenti Tomas Bax may ayında Yaponiyaya səfər etməyi planlaşdırır.

Teleqraf.com xəbər verir ki, bu barədə Kyodo agentliyi məlumat yayıb.

Tomas Bax səfəri zamanı Yaponiyanın Baş naziri Yoşihide Suqa ilə görüşmək və Xirosimada keçiriləcək Olimpiya məşəli estafetinin mərhələlərindən birində iştirak etmək niyyətindədir.

Xatırladaq ki, Tokio Olimpiadası 2020-ci il iyulun 24-dən avqustun 9-dək keçirilməli idi. Lakin koronavirus pandemiyası səbəbindən yarışların vaxtı bir il sonraya dəyişdirilib və onun bu il iyulun 23-dən avqustun 8-dək təşkili gözlənilir.