9 May 01:36
210

Türkiyə Super Liqasında 40-cı turun oyunları keçirilib.

Teleqraf.com xəbər verir ki, turun mərkəzi qarşılaşmasında çempionluq mübarizəsi aparan İstanbul nəhəngləri üz-üzə gəlib.

“Qəbələ” – “Neftçi” oyununun hakimləri açıqlanıb
UEFA-da növbəti istefa reallaşıb
Avropa Liqasının yarımfinalında 57 ildə ilk dəfə 6 qol vurulub

Çempionatın lideri “Beşiktaş” səfərdə “Qalatasaray”ın qonağı olub. Qalib gələcəyi və “Fənərbaxça”nın xal itirəcəyi halda qızıl medalları təmin edəcək “qartallar” azarkeşlərini sevindirə bilməyiblər.

Düzdür, Rayan Babelin 11-ci dəqiqədəki qoluna Raşid Qezzal 42-ci dəqiqədə cavab verib. Amma ilk yarının uzatma dəqiqəsində fərqlənən Radamel Falkao “aslanlar”ı hesabda önə çıxarıb.

Matçın sonlarında fərqlənən Arda Turan fərqi iki topa çatdırıb ki, bu, qalib gəlməyə kifayət edib. “Qalatasaray”ın bu qələbəsi çempionatda intriqanı qoruyub. Fatih Terimin yetirmələri sona iki tur qalmış 81 xala malik liderdən cəmi 3 xal geri qalır.

“Fənərbaxça” isə Super Liqada qalmaq üçün mübarizə aparan “Ankaragücü” ilə görüşdə çətin səfər qələbəsinə sevinib. Alper Potukun 3-cü dəqiqədəki erkən qoluna elə ilk yarıda Ozan Tufan cavab verib. Matçın uzatma dəqiqələrində fərqlənən Enner Valensiya isə qonaqlara 3 xal qazandıran qola imza atıb. Beləliklə, xal hesabını 79-a çatdıran “Fənərbaxça” 2-ci pillədə qalıb.

Qeyd edək ki, növbəti tur mayın 11-də, son matçlar isə 15-də keçiriləcək.


Müəllif: Teleqraf.com