Zidan “Real Madrid”in baş məqçisi postundan istefa verdi

Zinəddin Zidan İspaniyanın “Real Madrid” futbol klubunun baş məşqçisi postundan istefa verib.

Teleqraf.com-un xəbərinə görə, bu barədə komandanın saytı məlumat yayıb.

Müqavilə 2022-ci ilə qədər qüvvədə olmasına baxmayaraq Zidan öz istəyi ilə əməkdaşlığa son qoyub.

Klub rəhbərliyi məşqçiyə peşəkarlığı və fədakarlığı üçün təşəkkür edib.

Zinəddin Zidan 2019-cu ildən bəri kral klubuna rəhbərlik edir. Bundan əvvəl o, 2016-2018-ci illərdə komandada işləyib və ardıcıl üç Çempionlar Liqası qələbəsində rol oynayıb.

Zidan futbolçu kimi “Bordo”, “Yuventus” və “Real Madrid”də oynayıb.