Legionerlər 10 qol vurdu: - 11-ci turun oyunları

Bu gün Azərbaycan Premyer Liqasında 11-ci turun oyunları keçirilib. Teleqraf.com-un məlumatına görə, turun bütün oyunları eyni gündə keçirilib. Bu tur da məhsuldarlığı ilə seçilib.

Günün ilk oyunu Qəbələdə keçirilib. Burada “Qəbələ” “Bakı”nı qəbul edib. Qarşılaşma 1:1 hesablı bərabərliklə başa çatıb.“İnter” səfərdə “Sumqayıt”la heç-heçə edib – 0:0

“Xəzər Lənkəran” doğma meydanda “Simurq”u sınağa çəkib və 2:1 hesablı qələbə qazanıb. Növbəti oyunda paytaxt klubları üz-üzə gəlib. “Neftçi” öz meydanında AZAL-la qarşılaşlb. Görüş meydan sahiblərinin 4:0 hesablı qələbəsi ilə başa çatıb.

Günün son qarşılşmasında turnir cədvəlinin lideri “Qarabağ” öz meydanında autsayder “Araz Naxçıvan” qüvvəsini sınayıb. “Qarabag” bu oyunda “hücum silahını” işə salıb. Oyun 4:0 ağdamlıların xeyrinə başa çatıb.

Premyer Liqanın bu turunda qapıya vurulan 13 topun 10-u legionerlərin payına düşüb.

2 noyabr (bazar)

19:30.“Qarabağ” – “Araz Naxçıvan” - 4:0 (İkinci hissə)
Qollar: Muarem, 15 (1:0), Emeqara, 33 (2:0), Reynaldo, 50 (3:0), 62-pen (4:0)
Hakimlər: Vüsal Əliyev, Azər Əsgərov, Vüsal Qənbərov, Fariz Yusifov
Tofiq Bəhramov adına Respublika stadionu

15:30.“Qəbələ” – “Bakı” - 1:1
Qırmızı vərəqə: Elşad Manafov, 90+1 ("Bakı")
Qol: Dodo, 5 (1:0), Nuran Qurbanov, 45 (1:1)
Hakimlər: Rəhim Həsənov, Yaşar Abbasov, Nahid Əliyev, Teymur Fərhadov
Qəbələ şəhər stadionu

16:00.“Sumqayıt” – “İnter” - 0:0
Hakimlər: Orxan Məmmədov, Namiq Hüseynov, Rahil Ramazanov, Ziya Nəsirov
“Kapital Bank Arena” stadionu

17:00.“Xəzər Lənkəran” – “Simurq” - 2:1
Qollar: İdan Vaytsman, 38 (0:1), Sadio Tounkara, 39 (1:1), Rahid Əmirquliyev, 59 (2:1)
Hakimlər: Ömər Paşayev, İsgəndər Əliyev, Elşən Acalov, Feyzulla Feyzullayev
"Xəzər Lənkəran" mərkəzi stadionu

17:15.“Neftçi” – AZAL - 4:0
Qollar: Eltun Yaqubl, 10-avtoqol,Denis Silva, 38 (2:0), Nikolas Kanales, 70 (3:0), 85 (4:0)
Hakimlər: Əliyar Ağayev, Zeynal Zeynalov, Knyaz Əmiraslanov, Mahir Məmmədov
8-ci kilometr qəsəbə stadionu