"Əsas rəqiblərimiz Azərbaycanla Türkiyədir" - Rus məşqçidən açıqlama

Bu ay Moskvada keçiriləcək yunan-Roma güləşi üzrə Avropa Millətlər Kubokunda rusiyalıların əsas rəqibi Türkiyə və Azərbaycan yığmaları olacaq.

Teleqraf.com-un "RİA Novosti"-yə istinadən verdiyi məlumata görə, bunu Rusiyanın yunan-Roma güləşi üzrə yığmasının baş məşqçisi, beşqat dünya çempionu Qoqi Koquaşvili deyib.

Bununla belə, o, heç kəsdən qorxmadıqlarını bildirib: "Biz qələbəyə köklənmişik və istənilən rəqibə qalib gəlməyə hazırıq".

Qeyd edək ki, turnir noyabrın 7-9-da Moskvada keçiriləcək.