Ronaldonun hərəkətinə UEFA-dan reaksiya - "Butulkalara toxunmayın!"

UEFA Avropa çempionatında mübarizə aparan milli komandalara müraciət edib.

Teleqraf.com-un məlumatına görə, bu barədə AVRO-2020-nin direktoru Martin Kallen mətbuat konfransında deyib.

Onun sözlərinə görə, UEFA futbolçulardan mətbuat konfransı zamanı stolun üzərinə qoyulan içki butulkalarına toxunmamağı xahiş edib: "Bu, vacib məsələdir. Çünki sponsorların gəliri həm turnir, həm də Avropa futbolu üçün çox önəmlidir".

Qeyd edək ki, əvvəlcə Portuqaliya millisinin ulduz futbolçusu Kriştianu Ronaldo mətbuat konfransında AVRO-2020-nin sponsorlarından olan "Coca-Cola"dan imtina etməklə bağlı çağırış edib. Ardınca isə Fransa yığmasının yarımmüdafiəçisi Pol Poqba mətbuat konfransı zamanı pivə butulkasını götürərək yerə qoyub.