Mahir Emreli Norveçdə dubl etdi

Futbol üzrə Azərbaycan millisinin hücumçusu Mahir Emreli Polşanın “Legiya” klubunda ilk rəsmi matçına çıxıb.

Teleqraf.com xəbər verir ki, o, UEFA Çempionlar Liqasının 1-ci təsnifat mərhələsi çərçivəsində “Bude Qlimt”lə (Norveç) səfər oyununda dubl edib.

27 yaşlı hücumçu matçın 41 və 61-cı dəqiqələrində fərqlənib.

Qarşılaşma “Legiya” 3:2 hesablı qələbəsi ilə başa çatıb.

Xatırladaq ki, Mahir Emreli “Legiya”ya bu yay transfer olunub. O, bu komandanın yoxlama oyunlarında da 6 qola imza atmışdı.