Abramoviç “Çelsi”dən getdi

Rusiyalı iş adamı, “Çelsi”nin sahibi Roman Abramoviç klub rəhbərliyi ilə bağlı rəsmi bəyanat yayıb.

Teleqraf.com xəbər verir ki, bəyanatda bildirilir ki, o, “Çelsi”sinin idarəçiliyini klubun xeyriyyə fondunun qəyyumlarına təhvil vermək qərarına gəlib.

Mən həmişə klubun maraqlarını nəzərə alaraq qərarlar vermişəm. Mən bu dəyərlərə sadiq qalıram. Buna görə də bu gün mən “Çelsi FK”nın rəhbərliyini və qayğısını Çelsi Xeyriyyə Fondunun qəyyumlarına təhvil verirəm. İnanıram ki, onlar hazırda klubun, oyunçuların, heyətin və azarkeşlərin maraqlarını təmin etmək üçün ən yaxşı vəziyyətdədirlər”.

Qeyd edək ki, Rusiyanın Ukraynaya hərbi hücumundan sonra Abramoviçin İngiltərəyə girişinə qadağa qoyulub.