Binə Atçılıq Mərkəzi tam hazırdır, yarışlar isə... - Video

Binə Atçılq Mərkəzində aparılan təmir işləri başa çatıb. Azərbaycan Respublikasə Atçılıq Federasiyasının (ARAF) prezidenti Elçin Quliyevin rəhbərliyi ilə aprılan təmir işləri çərçivəsində cıdır zolağı yarışlar üçün hazır vəziyyətə gətirilib.

At yetişdiricilərinin Teleqraf.com-a verdiyi məlumata görə, ARAF rəhbərliyi klublara sentyabrın sonuna qədər atları yarışa hazırlamaq üçün Binə Atçılq Mərkəzində gətirmələrinə şərait yaradacağına söz verib.

Atçılar hesab edirlər ki, yarışların keçirilməsi üçün ARAF rəhbərliyi ilə yanaşı Kənd Təsərrüfatı Nazirliyi, "Jokey" klubun rəhbəri Samir Aslanov və digərləri bir araya gələrək qərar verməlidirlər.

"Milli sərvətimiz olan Qarabag Dilbaz atlarımız, ingilis və ərəb atlarımızı yarışlara hazırlamalıyıq. Odur ki, rəhbərlikdən xahiş edirik ki, bizə köməklik göstərsinlər. Yarışların keçirilməsi həm atlarımızın, həm idmançılarımızın fiziki hazırlıqlarını yüksəldər. Yarışların keçirilməsi klublarımızın inkişafı üçün çox vacibdir", deyə atçılar bildirirlər.