“Neftçi”nin qapıçısı “Ayntraxt”da

"Neftçi" futbol klubunun və milli komandamızın qapıçısı Emil Balayev Almaniyanın “Ayntraxt” klubu ilə müqavilə imzalayıb.

Teleqraf.com "Neftçi" futbol klubunun rəsmi saytına istinadən xəbər verir ki, Almaniya təmsilçisinin heyətində baxışdan uğurla keçmiş E.Balayev adıçəkilən komandanın şərəfini qoruyacaq.

Gənc qapıçı dekabrın 14-ü “Neftçi” - “Sumqayıt” oyunundan əvvəl mətbuat nümayəndələrinin Bundesliqa klubuna keçidi ilə bağlı suallarını cavablandıracaq.

Qeyd edək ki, “Neftçi” artıq Aqil Məmmədovla müqavilə imzalayıb. Müqaviləyə əsasən, qapıçı 2016-cı ilin yayına kimi “Neftçi”nin şərəfini qoruyacaq.