DÇ-2022: Mərakeş yarımfinalda - Yenilənib

Qətərdə keçirilən dünya çempionatında Mərakeş və Portuqaliya yığmaları arasında 1/4 final mərhələsinin oyunu afrika təmsilçilərinin xeyrinə başa çatıb.

Teleqraf.com xəbər verir ki, oyunda yeganə qolu 42-ci dəqiqədə Yussuf En-Nesiri vurub.

***

20:04

Mərakeş və Portuqaliya yığmaları arasındakı oyunda ikinci hissə başlayıb.

Teleqraf.com xəbər verir ki, ikinci hissədə Portuqaliya yığmasının heyətində dəyişiklik edilib - Kriştiano Ronaldo meydana çıxıb.

***

19:48

Mərakeş və Portuqaliya yığmaları arasındakı oyunda birinci hissə başa çatıb.

Teleqraf.com xəbər verir ki, Afrika təmsilçisi fasiləyə 1:0 hesabı ilə üstün yollanıb.

42-ci dəqiqədə Yussuf En-Nesiri fərqlənib.

***

Mərakeş və Portuqaliya yığmaları arasındakı oyunda Mərakeş hesabı açıb.

Teleqraf.com xəbər verir ki, mərakeşli Yussuf En-Nesirinin 42-ci dəqiqədə vurduğu qol Portuqaliyanın qapısından keçib.

***

19:02

Qətərdə keçirilən dünya çempionatında Mərakeş və Portuqaliya yığmaları arasında 1/4 final mərhələsinin oyunu başlayıb.

Teleqraf.com xəbər verir ki, qarşılaşma Bakı vaxtı ilə saat 19:00-da start götürüb.

***

18:35

Qətərdə keçirilən dünya çempionatının 1/4 final mərhələsində bu gün qarşılaşacaq Mərakeş və Portuqaliya yığmalarının start heyətləri açıqlanıb.

Teleqraf.com xəbər verir ki, komandalar meydanda bu heyətlə oynayacaq.

Mərakeş: Yassin Bunu, Romen Saiss, Əşrəf Hakimi, Cavad El Yamiq, Sofyan Amrabat, Azeddin Unai, Sekin Amallah, Sofyan Bufal, Yussuf En-Nesiri, Hakim Ziyeş, Yahia Attiyat Allah

Portuqaliya: Dioqu Koşta, Pepe, Dioqu Dalot, Ruben Diaş, Rafael Gerreyru, Ruben Neves, Bernardu Silva, Otavio Monteyro, Brunu Fernandeş, Qonsalu Ramuş, Joau Feliks

Oyun Bakı vaxtı ilə saat 19:00-da başlayacaq.