Emeqarayla “Qarabağ”ın yolları ayrıldı

Cari mövsümdə “Qarabağ”a qoşulan və özünü ən yaxşı tərəfdən göstərən İnnosent Emeqara klubdan ayrılıb.

Publika.az xəbər verir ki, bir neçə gün əvvəl anasının səhhətiylə bağlı İsveçrəyə yollanan Emeqara “Qarabağ”dan birdəfəlik ayrılmaq qərarına gəlib.

“Qarabağ”ın baş məşqçisi Qurban Qurbanov da bu xəbəri təsdiqləyib:

“Bəli, Emeqara qayıtmayacaq. Onun ailəsində problemlər var və buna görə də, “Qarabağ”dan ayrılmaq istədi. Yəni burada qala bilmir. Əlaqə saxladı, durumu izah etdi, biz də onu anlayışla qarşıladıq”.