30 Mart 2023 00:13
507
12 Punto 14 Punto 16 Punto 18 Punto

FIFA Almaniyanın "Köln" komandasına transfer qadağası qoyub.

Teleqraf.com xəbər verir ki, Bundesliqa təmsilçisi qarşıdakı iki transfer pəncərəsində yeni oyunçular ala bilməyəcək.

Cəzaya ötən il sloveniyalı hücumçu Yaka Kuberin transferi zamanı qayda pozuntusuna yol verilməsi səbəb olub. İddiaya görə, "keçilər" həmin vaxt 16 yaşlı forvardı azad agent kimi heyətinə qatmaq və Sloveniya "Olimpiya"sına təzminat ödəməmək üçün onu klubu ilə müqaviləni pozmağa təhrik ediblər.

Kuber futboldan 4 ay müddətinə kənarlaşdırılıb, "Köln" isə Lyublyana təmsilçisinə 54 min avro cərimə ödəməlidir.

Almaniya klubu qərardan 21 gün ərzində İdman Arbitraj Məhkəməsinə (CAS) apellyasiya şikayəti verə bilər.


Müəllif: Teleqraf.com