“Barselona” Messi ilə danışıq aparır

“Barselona” PSJ-də çıxış edən Lionel Messini geri qaytarmaq üçün danışıq aparır.

Teleqraf.com xəbər verir ki, bu barədə Kataloniya klubunun vitse-prezidenti Rafa Yuste məlumat verib.

“Messi və ailəsi mənim onlara sevgimi bilirlər. Onlarla ilkin danışıqlarımız olub. Messinin qayıtmasını çox istəyərəm. Təəssüf ki, daha əvvəl uğur gətirməyən danışıqlarda iştirak etdim. Onun getməsi çox ağır oldu. Messi klubu və Barselona şəhərini sevir. Messinin buradakı tarixinə davam etməsi üçün doğru variantlar tapmağa ümid edirik. O, hazırda PSJ-nin oyunçusudur. Onların işinə qarışmaq istəmirik”, - deyə Yeste bildirib.

Messi 2021-ci ilin yayında “Barselona”dan PSJ-yə keçib.