Qrem Potter “Çelsi”dən getdi

Qrem Potter “Çelsi” futbol klubunda tutduğu baş məşqçi vəzifəsini tərk edib.

Teleqraf.com xəbər verir ki, bu barədə “Çelsi”nin mətbuat xidməti məlumat yayıb.

“Çelsi”də baş məşqçi vəzifəsini Bruno Saltor icra edəcək.

47 yaşlı Potter “Çelsi”də 2022-ci il sentyabrın 8-dən baş məşqçi idi.

“Çelsi” İngiltərə çempionatının turnir cədvəlində 38 xalla 11-ci pillədə qərarlaşıb. Potterin rəhbərliyi ilə bu komanda Çempionlar Liqasının 1/4 finalına çıxıb və aprelin 12-də və 18-də “Real Madrid” ilə qarşılaşacaq.