Olimpiya oyunları Bostonda keçirilə bilər

ABŞ Olimpiya komitəsi cümə axşamı bildirib ki, 2024-cü ildə XXXIII yay Olimpiadasının keçirilməsi üçün Bostonu şəhər-namizəd kimi seçib. Teleqraf.com "RİA Novosti" agentliyinə istinadən bu barədə xəbər verir.

Boston (Massaçusets ştatı) milli müsabiqədə Vaşinqton, San-Fransisko və Los-Anceles şəhərlərinə qalib gəlib.

Bostonun bir sıra güclü potensial rəqibləri, o cümlədən Rusiyanın Sankt-Peterburq, Kiyev, Berlin, İstanbul, Melburn, Nayrobi və Yohannesburq kimi şəhərlər olacaq. ABŞ hesab edir ki, onların şansları 2024-cü ildə Oyunların keçirilməsi üçün yüksəkdir, çünki o vaxtadək Şimali Amerikada yay Olimpiya oyunları artıq 28 il ərzində aparılmayacaq.