Konfrans Liqası: "Sabah" qalib gəldi - Yeni

"Sabah" UEFA Konfrans Liqasının II təsnifat mərhələsində ilk oyununu keçirib.

Teleqraf.com xəbər verir ki, Murad Musayevin baş məşqçi olduğu komanda Latviyada RFŞ-in qonağı olub.

Yurmala şəhərindəki "Sloka" stadionundakı qarşılaşma Azərbaycan təmsilçisinin 2:0 hesablı qələbəsi ilə yekunlaşıb. Komandanın qollarını 22-ci dəqiqədə Boyan Letiç, 55-ci dəqiqədə isə Davit Volkov vurub.

Beləliklə, Azərbaycan klubu avrokuboklardakı debüt matçından qalibiyyətlə ayrılıb. Tərəflər arasındakı cavab görüşü bir həftə sonra Bakıda olacaq. Cütün qalibi III təsnifat mərhələsində Serbiya "Partizan"ı ilə üz-üzə gələcək.

21:34

Latviyada RFŞ və "Sabah" komandaları arasında keçirilən UEFA Konfrans Liqasının II təsnifat mərhələsinin ilk oyununda növbəti qol vurulub.

Teleqraf.com xəbər verir ki, Azərbaycan təmsilçisi ikinci dəfə rəqibi məyus edib.

Bakı klubunun heyətində Davit Volkov 55-ci dəqiqədə fərqlənib.

21:02

Latviyada RFŞ və "Sabah" komandaları arasında keçirilən UEFA Konfrans Liqasının II təsnifat mərhələsinin ilk oyununda ikinci hissə başlayıb.

Teleqraf.com xəbər verir ki, Azərbaycan təmsilçisi 1:0 hesabı ilə öndədir.

Bakı klubunun heyətində Boyan Letiç 22-ci dəqiqədə rəqibi məyus edib.

20:46

Latviyada RFŞ və "Sabah" komandaları arasında keçirilən UEFA Konfrans Liqasının II təsnifat mərhələsinin ilk oyununda birinci hissə başa çatıb.

Teleqraf.com xəbər verir ki, Azərbaycan təmsilçisi fasiləyə minimal hesablı üstünlüklə yollanıb - 1:0.

Bakı klubunun heyətində Boyan Letiç 22-ci dəqiqədə rəqibi məyus edib.

20:22

Latviyada RFŞ və "Sabah" komandaları arasında keçirilən UEFA Konfrans Liqasının II təsnifat mərhələsinin ilk oyununda hesab açılıb.

Teleqraf.com xəbər verir ki, Azərbaycan təmsilçisinin heyətində Boyan Letiç 22-ci dəqiqədə meydan sahiblərini məyus edib.

20:00

Latviyada RFŞ və "Sabah" komandaları arasında keçirilən UEFA Konfrans Liqasının II təsnifat mərhələsinin ilk oyunu start götürüb.

Teleqraf.com xəbər verir ki, Yurmala şəhərindəki "Sloka" stadionundakı qarşılaşma Bakı vaxtı ilə saat 20:00-da başlayıb.

Görüşü Yan Maxalekin başçılıq etdiyi hakimlər briqadası idarə edir.