Cüdoçumuz Masters turnirdə iştirak etməyəcək

Azərbaycan millisinin cüdoçusu Zelim Kotsoyev Macarıstanın paytaxtı Budapeştdə keçirilən Masters turnirində iştirak etməyəcək.

Teleqraf.com Federasiyaya istinadla xəbər verir ki, buna səbəb 25 yaşlı idmançının xəstələnməsi olub.

100 kq çəki dərəcəsində mübarizə aparmalı olan Kotsoyev yüksək hərarəti və öskürəyi olduğundan, yığmanın baş həkiminin təqdimatı, baş məşqçinin və məşqçilər heyətinin qərarı ilə yarışa çıxmayacaq.

Cüdoçunun müalicəsinə artıq başlanılıb.