AVRO- 2024: İngiltərə yarımfinalda - Yeniləndi

Avropa çempionatının 1/4 finalında İngiltərə - İsveçrə matçında qalib penaltilər seriyasında müəyyənləşib.

Teleqraf.com xəbər verir ki, İngiltərə penaltilərdə 5:3 hesabı ilə qalib gələrək yarımfinala çıxıb.

***

Almaniyada təşkil olunan Avropa çempionatının 1/4 finalında İngiltərə - İsveçrə matçının qalibi penaltilər seriyasında müəyyənləşəcək.

Teleqraf.com xəbər verir ki, qarşılaşmanın əsas və əlavə vaxtı 1:1 hesablı bərabərliklə yekunlaşıb. İsveçrə millisinin futbolçusu Bril Embolo 75-ci dəqiqədə fərqlənib. İngiltərə yığmasından isə Bukayo Saka 80-ci dəqiqədə rəqib qapısına yol tapıb - 1:1.

Qeyd edək ki, görüşü italiyalı baş hakim Daniele Orsato idarə edir.

***

Almaniyada təşkil olunan Avropa çempionatının 1/4 finalında İngiltərə - İsveçrə oyununda ingilislər hesabı bərabərləşdirib.

Teleqraf.com xəbər verir ki, Düsseldorf şəhərindəki "Esprit Arena"da keçirilən oyunda bu dəfə 80-cı dəqiqədə Bukayo Saka fərqlənib.

***

Avropa çempionatının 1/4 finalında İngiltərə - İsveçrə matçında isveçrəlilər fərqlənib.

Teleqraf.com xəbər verir ki, qolu 75-ci dəqiqədə Embolo vurub.

***

Almaniyada təşkil olunan Avropa çempionatının 1/4 finalında İngiltərə - İsveçrə matçına start verilib.

Teleqraf.com xəbər verir ki, Düsseldorf şəhərindəki "Esprit Arena"da keçirilən oyunu italiyalı baş hakim Daniele Orsato idarə edir.