Güləşçimiz Olimpiya Oyunlarını mükafatsız başa vurdu

Azərbaycanın sərbəst güləşçisi Əliabbas Rzazadə Fransanın paytaxtı Parisdə keçirilən Yay Olimpiya Oyunlarını mükafatsız başa vurub.

Teleqraf.com xəbər verir ki, 57 kq çəki dərəcəsində yer alan idmançımızın 1/8 finalda məğlub olduğu rəqibi - Özbəkistan təmsilçisi Qulomjon Abdullayev finala vəsiqə qazana bilməyib.

Abdullayevin finala gedən yolda ABŞ güləşçisinə uduzması Əliabbasın təsəlliverici görüşə qatılmaq şansının üstündən xətt çəkib.

14:11

Azərbaycan güləşçisi Əliabbas Rzazadə Fransanın paytaxtı Parisdə keçirilən Yay Olimpiya Oyunlarında mübarizəyə başlayıb.

57 kq çəki dərəcəsində çıxış edən idmançımız 1/8 final mərhələsində özbəkistanlı Qulomjon Abdullayevlə qarşılaşıb.

İdmançımız rəqibinə 4:11 hesabı ilə məğlub olub.