ABŞ komandası Olimpiya medal sıralamasında liderdir

ABŞ komandası Paris Yay Olimpiya oyunlarında medal sayında liderliyini davam etdirir.

Teleqraf.com xəbər verir ki, bu gün keçirilən yarışlardan sonra komandaların reytinqi Beynəlxalq Olimpiya Komitəsinin (IOC) saytında yerləşdirilib .

Medalların ümumi sayına görə Amerika komandasının 111 mükafatı var: 33 qızıl, 39 gümüş və 39 bürünc medal.

Çin yığması 33 qızıl, 26 gümüş və 23 bürünc medalla ikinci yerdədir . Avstraliyalılar hələ də üçüncü yerdədir. Onların hesabında 18 qızıl, 16 gümüş və 14 bürünc medal var.

Azərbaycan yığmasının isə aktivində 5 medal var. 2 qızıl, 2 gümüş və 1 bürünc. Medal sıralamasına görə Azərbaycan 24-cü pillədə qərarlaşıb.