Emelianenko "İman"a gəldi - İlk dəfə

Məşhur rusiyalı MMA döyüşçüsü Aleksandr Emelianenko ilk dəfə rəsmi olaraq işə düzəldiyini bildirib.

Teleqraf.com xəbər verir ki, bu barədə o, İnstaqram səhifəsində məlumat paylaşıb.

İdmançı əvvəllər alkoqol asılılığından müalicə aldığı İnquşetiyadakı "İman" reabilitasiya mərkəzində ictimaiyyətlə əlaqələr üzrə məsləhətçi vəzifəsini tutacaq .

Emelianenko keçmiş ProFC dünya çempionudur. Döyüş sambosu üzrə dəfələrlə Rusiya və dünya çempionu olub. 2023-cü il mayında idmançı Moskvada keçirilən REN TV Döyüş Klubu turnirinin əsas tədbiri çərçivəsində ikinci raundda Yevgeni Erşovu məğlub edərək qalib gəldi .

Emelianenko MMA-da 40 döyüş keçirib, bu döyüşlərdə 29 qələbə qazanıb (20-si nokautla), 10 dəfə uduzub və bir döyüşdə heç-heçə edib.

Dekabrın 21-də Emelianenkonun İnquşetiyada NFL liqasında döyüşməsi nəzərdə tutulub - onun rəqibi tezliklə bəlli olacaq. Dekabrda Emelianenko da boks üzrə olimpiya çempionu Raxim Çaxkievlə döyüşməyə hazır olduğunu bildirib .