"Yuventus" "Milan"a qalib gəldi

İtaliya A Seriyasında XXI turun mərkəzi görüşü "Yuventus" və "Milan" komandaları arasında keçirilib.

Teleqraf.com-un məlumatına görə, Turin şəhərindəki "Alyans Arena"da təşkil olunmuş qarşılaşma meydan sahiblərinin qələbəsi ilə yekunlaşıb.

59-cu dəqiqədə hücumçu Samuel Mbanqula hesabı açıb. Bundan 5 dəqiqə sonra Timoti Vea yekun nəticəni müəyyənləşdirib.

Bu qələbədən sonra "Yuventus" 37 xalla 4-cü, "Milan" isə 31 xalla 8-cidir. Turnir cədvəlinə isə 47 xala malik "Napoli" başçılıq edir.