"Qarabağ" FCSB-nin futbolçusunu transfer edə bilər

Rumıniyanın FCSB klubunun futbolçularından biri "Qarabağ"a transfer oluna bilər.

Teleqraf.com xəbər verir ki, bu barədə Azərbaycan komandasının baş məşqçisi Qurban Qurbanov UEFA Avropa Liqasının VII tur matçından sonra mətbuat konfransında açıqlama verib.

Lakin o, həmin oyunçunun adını açıqlamayıb: "FCSB-nin heyətində hər xətdə çoxlu lider oyunçular vardı. Baş məşqçinin seçdiyi oyun sxemini düzgün yerinə yetirə bilən oyunçular idilər. FCSB komanda şəklində yaxşı oynayır. Mənim diqqətimi transfer üçün cəlb edən futbolçu oldu, amma adını açıqlamayacağam".