Çəkicatma yarışında bədbəxt hadisə: tamaşaçı öldü

ABŞ-nin Kolorado Universitetində atletika turniri zamanı bədbəxt hadisə baş verib.

Teleqraf.com "New York Post" nəşrinə istinadən xəbər verir ki, idmançılarından biri atışını uğursuz yerinə yetirib.

Nəticədə, 7 kq ağırlığı olan çəkic azarkeşlərin olduğu sektora tərəf gedib.

Zərbədən tamaşaçılardan biri ölüb. Vəfat etmiş şəxsin yarış iştirakçılarından birinin atası olduğu deyilir.

Kolorado polisinə istinad edən mənbənin sözlərinə görə, bədbəxt hadisənin qurbanı həyat yoldaşını və oğlunu uçan çəkicdən qorumağa çalışıb. Hadisə yerinə yanğınsöndürmə briqadasının xilasediciləri cəlb edilsə də, onun həyatını xilas etmək mümkün olmayıb.