Ronaldodan azarkeşlərə kəskin reaksiya

İspaniyanın “Real” klubunun hücumçusu Kriştian Ronaldo ölkə çempionatının “Levante” ilə keçirilən oyunda azarkeşlərin onu fitə basmasına kəskin reaksiya verib.

Məlumata görə, Ronaldonun oyunundan çox narazı olan azarkeşlər onun ünvanına xoşagəlməz ifadələr işlədərək, top hər dəfə onda olanda onu güclü fitə basıb.

Ronaldo da buna görə azarkeşlərə eyni tərzdə cavab verib. Son dövrlərdə Ronaldo ilə azarkeşlər arasıda xoşagəlməz münasibətlər yaranıb. Azarkeşlər Ronaldonun özünü həddindən artıq qeyri təvözökar aparmasını, meydanda həmişə sabit oyun nümayiş etdirməməsini, bəzən də ümumiyyətlə özünü meydana zorla çıxarılan oyunçu kimi aparmasını bağışlaya bilmirlər.

Ronaldonun adı son vaxtlar müntəzəm olaraq müxtəlif qalmaqallarda, xüsusən onun gecələri müxtəlif barlarda keçirməsi və bu baxımdan komandasının maraqlarını təhlükə altında qoyması barədə çoxsaylı şayiələr dolaşır./ans/