Poqba üçün fantastik təklif

"PSG" "Yuventus"a Pol Poqbanın transferi ilə bağlı təklif göndərib.

Teleqraf.com "Sport Mediaset"a istinadən xəbər verir ki, Paris təmsilçisi Edinson Kavanini 50, Marko Verrattini 30 milyon avro dəyərində qiymətləndirib.

Bu iki futbolçudan əlavə onlar daha 20 milyon avro ödəməyə də hazırdılar ki, tələb olunan məbləğ - 100 milyon avro düzəlsin.

Turin klubunun baş direktoru Beppe Marotta Kavaninin pərəstişkarı sayılır. Lakin "Yuventus" futbolçuya Parisdə qazandığı 10 milyon avro məvacibi ödəməyə razı deyil.

Keçidin reallaşması üçün uruqvaylı forvard məvacibinin 40% azalmasına razı olmalıdı.

Poqbanın transferində "Barselona" və "Real" da maraqlıdı.

Rüstəm