"Mənə "Tottenhem"ə nifrət etmək öyrədildi" – Anri

"Arsenal" klubunun canlı əfsanəsi Tyeri Anri maraqlı fikirləri ilə diqqət çəkib.

Qol.Az-ın Britaniya mətbuatına istinadən verdiyi məlumata görə, Anri "Arsenal"da ona komandanın əzəli rəqibi "Tottenhem"ə nifrət etməyin öyrədildiyini bildirib:

"Arsenal"da oynadığım 8 il ərzində komandanın əzəli rəqibi "Tottenhem"ə nifrət aşılanırdı. Mənə "Arsenal"da "Tottenhem"ə nifrət etmək öyrədildi. Bu kluba gəldiyim ilk illərdə əsas heyət uğrunda Davor Şukerlə rəqabət aparırdım. Ancaq komandada Nvanko Kanu da var idi. Əgər "Arsenal"da özümü göstərə bilməsəydim, sol cinahda oynamaq uğrunda Mark Overmarsla yarışmalı olacaqdım. Hər zaman Nikola Anelka, Pol Skoulz və Stiven Cerardla birgə oynamaq istəyirdim".

Qeyd edək ki, Anri 1999-2007-ci illərdə "Arsenal"ın şərəfini qoruyub.