BDU futbol çempionatına start verdi - FOTO

Bakı Dövlət Universitetinin (BDU) futbol meydançasında ümummilli lider Heydər Əliyevin anadan olmasının 92-cu ildönümü münasibətilə universitetin 17 fakültəsi arasında futbol yarışının təntənəli açılış mərasimi keçirilib. BDU-nun mətbuat və informasiya şöbəsindən Trend-ə verilən məlumata görə, tədbiri giriş sözü ilə universitetin rektoru, akademik Abel Məhərrəmov açıb və son illərdə prezident İlham Əliyevin idmana göstərdiyi diqqət və qayğıdan, Bakıda keçiriləcək birinci Avropa Oyunlarından bəhs edib.

Rektor bildirib ki, ulu öndərin xatirəsinə həsr olunmuş futbol yarışları may ayında yekunlaşacaq və qalib müəyyən olunacaq.

Daha sonra dövlət himni səslənib və idman kafedrasının müdiri Akif Atakişiyev tədbirin proqramını elan edib. Tədbir konsert proqramı ilə davam edib, fakültələr arasında futbol oyunu izlənilib.