Ronaldo və Messi eyni komandada oynaya bilər - FOTO

Avropa Futbol Qurumu yeni ideya irəli sürüb.

Teleqraf.com xəbər verir ki, NBA-dakı "Ulduzlar oyunu"nun populyarlığını nəzərə alan Avropanın ali futbol qurumu eyni üsuldan futbolda istifadə etmək qərarına gəlib.

Bu məqsədlə UEFA ildə bir dəfə Avropanın ən yaxşı futbolçularını bir araya gətirəcək. "Şimal" və "Cənub" adlanan komandaların heyətləri onlayn səsvermə nəticəsində müəyyənləşəcək. Bir klubdan maksimum 3 futbolçu heyətə düşə biləcək.

"Şimal" komandasının heyətində İngiltərə Premyer Liqası, Bundesliqa və Rusiya Premyer Liqasını təmsil edən futbolçular yer alacaq. "Cənub" komandasında isə La Liqa, Liqa 1 və İtaliya A Seriyasının ən yaxşılarını görə biləcəyik.

La Liqada çıxış edən futbolçuların "Cənub"u təmsil edəcəyini nəzərə alsaq, nəhayət ki, Ronaldo və Messini eyni komandada görmək imkanımız yaranacaq.

Artıq səsvermə nəticəsində heyətlərin təxminən necə formalaşacağına dair ilk təxminlər də irəli sürülüb.

Rüstəm