Braziliyalı futbolçu "Barselona" ilə müqaviləsini artırdı

Dani Alves "Barselona" ilə bu yay bitəcək müqaviləsini uzatmaqla bağlı razılığa gəlib.

Teleqraf.com xəbər verir ki, yeni müqavilənin imzalanması haqqında rəsmi açıqlama mövsüm sonuna yaxın elan ediləcək.

Məlumatda bildirilir ki, braziliyalı futbolçu La Liqa nəhənginin yeni təklifini həm karyerası baxımından, həm də şəxsi məsələlərə görə qəbul edib. Ailəsi ilə Kataloniyada yaşayan Alvesin iki oğlu da burada məktəbə gedir.

Alvesin qüvvədə olan müqaviləsinin müddəti 2015-ci ilin iyununa qədər hesablanmışdı.

Daha əvvəl bildirilirdi ki, Alves karyerasını PSJ-də davam etdirəcək.

Rüstəm