"Mançester Yunayted"dən ilk transfer

Yeni mövsüm üçün heyətini gücləndirməyi planlaşdıran "Mançester Yunayted" artıq ilk transfer reallaşdırıb.

Qol.Az-ın klubun rəsmi saytına istinadən verdiyi məlumata görə, Mançester təmsilçisi PSV-nin futbolçusu Memfis Depayı heyətinə qatıb.

Hollandiyalı futbolçu ilə yay transfer dönəminin ilk günündə rəsmi müqavilə imzalanacaq. Bu transfer "Mançester Yunayted"ə 30 milyon avroya başa gəlib.

Qeyd edək ki, cari mövsüm PSV-nin heyətində keçirdiyi 38 rəsmi oyunda 26 qol vuran 21 yaşlı futbolçu komandasının Hollandiya çempionu olmasında böyük rol oynayıb.