Lui van Qaldan transfer açıqlaması

PSV-dən Memfis Depayı transfer edən "Mançester Yunayted" daha bir neçə futbolçu ilə güclənəcək.

Qol.Az-ın Britaniya mətbuatına istindən verdiyi xəbərə görə, bu barədə komandanın baş məşqçisi Lui van Qal məlumat verib.

Hollandiyalı mütəxəssis transfelərə davam edəcəklərini bildirib: "Mançester Yunayted" ehtiyac olduğunda hər zaman lazımi transferlər edib. Orta xəttin sağında cəmi bir oyunçumuz var.

Yay transfer pəncərəsində bu boşluğu aradan qaldırmağa çalışacağıq. Yeni transferlər digər futbolçular tərəfindən bəyənilməyə bilər. Çünki yeni oyunçuların gəlişi ilə komandada rəqabət daha da artır. Onların üzərində əlavə təzyiq olur. Ancaq hər kəs əlindən gələnin ən yaxşısını etməlidir".