"Real"ın baş məşqçi postuna namizədlər açıqlandı

"Real"ın prezidenti Florentino Peres komandanın baş məşqçisi Karlo Ancelottinin istefası variantına baxır.

Teleqraf.com xəbər verir ki, bu barədə "Mundo Deportivo" məlumat yayıb. İtalyan mütəxəssisin yerinə namizədlər arasında bir neçə mütəxəssis var. Əsas variant kimi "Kastilya"nın çalışdırıcısı Zinəddin Zidan nəzərdən keçirilir. Onun məşqçilər korpusuna Fernando Yerro və Raul Qonzales daxil ola bilərlər.

Digər namizədlər arasında mövsümün sonunda Dortmund "Borussiya"sını tərk edəcək Yurgen Kloppun namizədliyi daha aşkardı. Bundan əlavə, Andre Villaş-Boaş ("Zenit"), Roberto Mançini ("İnter") və Rafael Benitesin ("Napoli") də adı hallanır.

Karlo Ancelottinin Madrid klubu ilə müqaviləsinin müddəti gələn yay başa çatır.

Rüstəm