Stiven Cerrard: "25-30 qol vura bilən hücumçuya ehtiyacımız var"

Mövsümün sonunda "Liverpul"dan ayrılması dəqiqləşən Stiven Cerrard son açıqlamasında klubun hücumçuya ehtiyacı olduğunu bildirib.

Teleqraf.com xəbər verir ki, kapitan Luis Suaresin boşluğunu Daniel Starriclə doldurmaq istəsələr də, bunun baş tutmadığını sözlərinə əlavə edib:

"25-30 qol vura bilən hücumçuya ehtiyacımız var. Luis Suaresi itirdik. Onun boşluğunu Daniel Starriclə doldurmaq istəyirdik, ancaq alınmadı.

Futbolçu yox, azarkeş kimi danışıram. Qısa müddət ərzində potensiallı futbolçuları komandaya cəlb etməliyik".

Qeyd edək ki, Cerrard şənbə günü "Kristal Pelas"la görüşdə sonuncu dəfə "Enfild"də meydana çıxacaq.

Rüstəm