"Yuventus" diqqətini İquainə yönəldib

"Napoli"nin hücumçusu Qonsalo İquain karyerasını "Yuventus"da davam etdirə bilər.

Teleqraf.com xəbər verir ki, bu barədə "Quotidiano Sportivo" məlumat verib. Turin klubu argentinalı ilə yaxından maraqlanır. "Yuventus" Pol Poqba və Arturo Vidaldan birini satıb, əldə edilən gəlirin hesabına İquainin transferini reallaşdırmaq istəyir.

"Napoli" İtaliya A Seriyasının son turunda "Latsio" ilə üz-üzə gələcək. Neapol təmsilçisi xal itirəcəyi təqdirdə Çempionlar Liqasından kənarda qalacaq. Bu amil isə İquainin komandanı tərk etməsinə səbəb ola bilər.

"Yuventus"la yanaşı, "Atletiko", "Arsenal" və "Liverpul" forvardı heyətlərinə qatmaq istəyirlər.

Rüstəm