Ronaldonun transferiylə bağlı sürpriz iddia

PSJ əvvəlki kimi "Real"ın ulduz futbolçusu Kriştiano Ronaldunun transferində israr edir.

Teleqraf.com xəbər verir ki, bu barədə "L'Equipe" qəzeti məlumat yayıb. Paris klubu bu yay 30 yaşlı portuqaliyalını maliyyə feyr-pley-i məhdudiyyətlərinə görə transfer etməyə çalışmayacaq.

Ancaq bir il sonra, Zlatan İbrahimoviçin PSJ-ni tərk etməsinin ardından klub rəhbərliyi əlindən gələni edəcək ki, Ronaldonu alsın.

Qeyd edilir ki, PSJ Ronaldoya ildə 18 milyon avro ödəməyə hazırdı. PSJ-nin prezidenti Nasir Əl-Xəlaifi ilə ulduz futbolçunun meneceri Jorje Mendeş arasındakı yaxşı münasibət bu transferin reallaşmasında böyük rol oynaya bilər.

Rüstəm