9 İyul 2015 22:09
1 615

Bu gün UEFA Avropa Liqasında 1 təsnifat mərhələsinin görüşləri keçiriləcək.

Azərbaycanı qitənin ikinci dərəcəli turnirində təmsil edən 3 komandada meydana çıxacaq.

3 təmsilçimizdən biri – “Neftçi” səfərdə meydana çıxacaq. “Ağ-qaralar” Monteneqro paytaxtı Padqoritsada ilk oyunda 2:2-lik bərabərlik etdiyi “Mladost”la üz-üzə gələcək. Görüş Bakı vaxtilə saat 23:30-da başlayacaq.

Səfərdə Gürcüstanın “Dinamo” (Tbilisi) klubuna 1:2 hesabı ilə uduzan “Qəbələ” bu dəfə doğma azarkeşlər önündə meydana çıxacaq. Bu matçın start fiti saat 21:00-da veriləcək.

Albaniyada “Laçi” klubu ilə 1:1-lik heç-heçə edib vətənə sərfəli nəticə ilə dönən “İnter” də evdə oynayacaq. Bu qarşılaşma da saat 21:00-da başlayacaq.

Avropa Liqası

Birinci təsnifat mərhələsi

Cavab oyunu, 9 iyul

23:30. “Mladost” (Monteneqro) – “Neftçi” (Azərbaycan)

Hakimlər: Kevin Klensi, Alastair Mazer, Stüart Yan Makmillan, Brayan Kolvin (hamısı Şotlandiya)

Podqoritsa. Şəhər stadionu

İlk oyun – 2:2

21:00. "Qəbələ" (Azərbaycan) - "Dinamo" (Tiflis, Gürcüstan)

Hakimlər: Amori Deleru, Loran Stien, Mişel Annonye, Sebastyan Moreyra (hamısı Fransa)

Qəbələ. Şəhər stadionu

İlk oyun – 1:2

21:00. "İnter" (Azərbaycan) - "Laçi" (Albaniya)

Hakimlər: Aleksandr Əliyev, Sergey Vassyutin, Samat Terqussizov, Denis İzmaylov (hamısı Qazaxıstan)

Bakı. “İnter Arena” stadionu

İlk oyun – 1:1

***

"Qəbələ" və "İnter"in oyununda ikinci hissə başladı.

***

Qəbələ şəhər stadionunda keçirilən oyunun birinci hissəsi qolsuz başa çatıb.

71-ci dəqiqədə gürcülər azlıqda qalıblar - Laşa Totadze qırmızı vərəqə alıb. 88-ci dəqiqədə gözlədiyimiz qol gəlib - Asif Məmmədov fərqlənib. Son dəqiqədə isə Aleksey Antonov son nöqtəni qoyub - 2:0.

İlk oyun 2:1 hesabı ilə gürcülərin xeyrinə başa çatdığından bu hesab "Qəbələ"ni növbəti mərhələyə yüksəldib.

Digər təmsilçimiz "İnter" ilk oyunda səfərdə 1:1 hesabı ilə bərabərə qaldığı Albaniya təmsilçisi "Laçi" ilə Bakıda qarşılaşıb.

Oyunda hesab açılmayıb, lakin səfərdə vurduğu qol hesabına "İnter" növbəti mərhələyə vəsiqə qazanıb.

"Neftçi" isə səfərdə Monteneqro "Mladost"u ilə qarşılaşacaq. İlk oyun Bakıda 2:2 hesabı ilə yekunlaşıb.


Müəllif: