Güləşçimiz dünya reytinqində liderdir

Dünya Güləş Birliyi 2015-ci ilin iyun ayında keçirilən yarışların nəticəsinə əsasən, yunan-Roma güləşi üzrə yeni reytinq siyasını açıqlayıb.

Azərbaycan Güləş Federasiyasından Teleqraf.com-a verilən məlumata görə, yunan-Roma güləşi üzrə reytinq siyahısına 10 güləşçimizin adı daxil edilib. Avropa Oyunlarının qızıl medalçısı Rəsul Çunayev reytinqdəki birinciliyini də qoruyub. Digər qızıl medalçı Elvin Mürsəliyev bir pillə yüksələrək 4-cü olub. Gümüş medala sahib olan Rafiq Hüseynov reytinq sıralamasında 2-ci yerdə qərarlaşıb. Bürünc mükafatçı Elman Muxtarov isə 8 pillə irəliləyib və reytinqdə 5-ci sıraya yüksəlib.

Ötən ayın reytinq siyahısında olmayan ağır çəkili pəhləvanlarımız Orxan Nuriyev və Sabah Şəriəti Avropa Oyunlarında qazandıqları nailiyyətlə ilk onluğa düşə bilib. Orxan Nuriyev 6-cı, Sabah Şəriəti isə 9-cu sırada qərarlaşıb. Gənclərin Avropa çempionatının qalibi İslam Abbasov da reytinq siyahısında mövqeyini qoruya bilib.

59 kq
5. Elman Muxtarov - Avropa Oyunları 3-cü yer (13)
20. Taleh Məmmədov - Təxti Kuboku turniri 1-ci yer (18)

66 kq
7. Həsən Əliyev - Avropa Oyunları 3-cü yer (5)

71 kq
1. Rəsul Çunayev - Avropa Oyunları 1-ci yer (1)

75 kq
4. Elvin Mürsəliyev - Avropa Oyunları 1-ci yer (5)

80 kq
2. Rafiq Hüseynov - Avropa Oyunları 2-ci yer (1)

85 kq
6. İslam Abbasov - Gənclərin Avropa çempionatı 1-ci yer (6)
11. Saman Təhmasibi - DÇ 2-ci yer (2)

98 kq
6. Orxan Nuriyev - Avropa Oyunları 5-ci yer (nr)

130 kq
9. Sabah Şəriəti - Avropa Oyunları 2-ci yer (nr)

Qeyd edək ki, idmançıların adları qarşısında onların iştirak etdikləri son yarışda əldə etdiyi nəticə, mötərizədə isə bundan əvvəlki reytinq siyahısında tutduqları yer göstərilib.