Rafael Benitesdən Ronaldoyla bağlı vacib açıqlama

"Real" avqustun 23-ü İspaniya La Liqasında yeni mövsümünün ilk turunda Xixon "Sportinq"i ilə üz-üzə gələcək.

Teleqraf.com xəbər verir ki, zədə səbəbindən Münhendə təşkil olunan "Audi Cup" turnirinə qatılmayan komandanın ulduz futbolçusu Kriştiano Ronaldonun ilk turda meydana çıxmayacağı xəbəri yayılıb.

Madrid klubunun baş məşqçisi Rafael Benites isə açıqlamasında bildirib ki, portuqaliyalı növbəti həftə komanda ilə birgə məşqlərə başlayacaq:

"Ronaldo hazırda tibbi qərargahla işləyir. Onun kürəyində ağrılar var. Gələn həftə sıraya dönməlidi. Düşünmürəm ki, "Sportinq"lə matçda iştirakı ilə bağlı problemlər olsun. Erkən hazırlıq zamanı sadəcə iki futbolçumuz ciddi zədələnib (Kərim Benzema və Pepe - red.). Digərlərində isə hər şey qaydasındadı".

Rüstəm