Cavidin adı UEFA-ya niyə göndərilib? – “Qəbələ”dən açıqlama

“Qəbələ” klubu futbolçusu Cavid Hüseynovun adının “Panatinaikos”la Avroliqanın pley-off oyunu üçün UEFA-nın iştirak ərizəsinə salınmasına aydınlıq gətirib.

Teleqraf.com-un xəbərinə görə, klub özünün rəsmi Facebook səhifəsində bildirib:

"Qəbələ" İdman Klubunun UEFA Avropa Liqasının play-off mərhələsi üçün təqdim etdiyi iştirak ərizəsində Cavid Hüseynovun adının olması ilə bağlı yaranmış anlaşılmazlığa aydınlıq gətirmək məqsədilə bildirmək istəyirik ki, iştirak ərizəsi UEFA-ya turnirin əsasnaməsinə uyğun olaraq avqustun 10-da, yəni C.Hüseynovla bağlı həbs qətimkan tədbiri seçilmədən öncə göndərilib”.