Avropanın ən yaxşı futbolçusu adına 3 namizəd

UEFA 2014/2015 mövsümündə Avropanın ən yaxşı futbolçusu adına namizədlərin sayını 10-dan 3-ə endirib.

Teleqraf.com uefa.com-a istinadən xəbər verir ki, UEFA-ya üzv olan 54 ölkənin nümayəndələri və jurnalistlər arasında aparılan səsverməyə əsasən finala Lionel Messi (Argentina, "Barselona"), Kriştiano Ronaldo (Portuqaliya, "Real") və Luis Suares (Uruqvay, "Barselona") yüksəlib.

Avropanın ən yaxşı futbolçusunun adının avqustun 27-i - Çempionlar Liqasının qrup mərhələsinin püşkatmasından sonra açıqlanacağı bildirilib.

Digər yerlərin sahibləri bunlardı:

4. Canluici Buffon (İtaliya, "Yuventus") - 24 səs

5. Neymar (Braziliya, "Barselona") - 23 səs

6. Eden Hazard (Belçika, "Çelsi") - 21 səs

7. Andrea Pirlo (İtaliya, "Yuventus"/"Nyu-York Siti") - 12 səs

8. Arturo Vidal (Çili, "Yuventus"/"Bavariya") - 11 səs

9. Karlos Teves (Argentina, "Yuventus"/"Boka Xuniors") - 8 səs

10. Pol Poqba (Fransa, "Yuventus") - 5 səs

Qitənin ən yaxşısı mükafatını daha əvvəl Lionel Messi (2011), Andreas İnyesta (2012), Frank Riberi (2013) və Kristiano Ronaldo (2014) qazanıb.

Rüstəm