"Mançester Yunayted"dən "Bavariya"ya fantastik təklif

"Qırmızı şeytanlar"ın əvvəlki təklifi 70 milyon avro idi və almanlar tərəfindən rədd edilmişdi.

Teleqraf.com xəbər verir ki, bu barədə "Bild" məlumat yayıb. "Mançester Yunayted" Tomas Müllerin transferi üçün "Bavariya"ya növbəti təklifini göndərib.

Premyer Liqa nəhəngi 25 yaşlı hücumçuya görə 85 milyon avro təklif edib. "Qırmızı şeytanlar"ın əvvəlki təklifi 70 milyon avro idi və almanlar tərəfindən rədd edilmişdi.

Daha əvvəl bildirilirdi ki, "Mançester Yunayted" vergilərin ödənməsindən sonra Müllerə ildə 10 milyon avro təklif edərək, onun maaşını ikiqat artırmağa hazırdı.

Rüstəm