İngiltərə klubundan Burak Yılmaza rəsmi təklif

"Vest Hem" klubu "Qalatasaray"ın futbolçusu Burak Yılmaz üçün təklif göndərib.

"Report"un məlumatına görə, bu barədə İstanbul təmsilçisi rəsmi açıqlama yayıb.

Mətbuatda həqiqəti əks etdirməyən xəbərlərin yayıldığından bəhs edən açıqlamada qeyd olunub ki, futbolçu üçün təklif olunan məbləğ 5 milyon avrodur. Lakin Burak Yılmaz "Qalatasaray"dan getmək istəmədəyi kimi, klub da onu satmaq fikrində deyil.

Qeyd edək ki, Burak Yılmaz 2012-ci ildən "Qalatasaray"da çıxış edir. İstanbul klubundan əvvəl hücumçu "Trabzonspor"un formasını geyinib.