Operator məşhur atleti belə yıxdı - FOTO

Pekində keçirilən yarışlar vaxtı seqveydə hərəkət edən operatorun Usain Bolta dəyməsindən sonra məşhur altet yerə yıxılıb.

Teleqraf.com BBC-yə istinadən xəbər verir ki, hadisə Boltun Dünya Atletika Çempionatında 200 metr qaçış üzrə öz qələbəsini qeyd edərkən baş verib.

Seqveydə hərəkət edən operator kənar dirəyə çırpıldıqdan sonra, yeni çempionun ayağının üstünə çıxıb.

Yamaykalı atlet başı üzərindən geriyə dombalaq aşaraq ayağa durub və bir az topuğunu ovuşdurduqdan sonra azarkeşlərlə qələbə sevincini paylaşmağa davam edib.

O, sonra müxbirlərə belə deyib: “Olan işdir. Kiçik sızıqlarım var, lakin bu hadisə mənim məşq vaxtı üzləşdiklərimlə müqayisədə heçnədir. Hər şey öz qaydasındadır”.

Rüstəm