Qurban Qurbanov: "Məğlubiyyət haqda düşünmürük"

"Qarabağ" klubunun baş məşqçisi Qurban Qurbanov komandasının düşdüyü qrup barəsində fikrini bildirib.

Teleqraf.com xəbər verir ki, təcrübəli mütəxissi bunları deyib:

"Bəxtimizin gətirmədiyini demək düzgün çıxmaz. İnşallah, yaxşı olar. Bu cür komandalara qarşı oynamaq bəlkə də hər hansı qələbədən daha üstündü. Hamısı böyük təcrübəyə malik, tanınmış komandalardı. Onların Bakıya gəlməsi həm azarkeşlərimiz, həm də ümumiyyətlə, Azərbaycan futbolu üçün xoş haldı. Düşünürəm ki, bu, futbolumuzun inkişafı üçün böyük təkandı. Hər məşqçi və futbolçu istər ki, belə komandalara qarşı oyunlar keçirsin. Şükür eləyirik. Qismətimiz budur. Hədəf barədə düşünsək belə, doğrudan da, güclü komandalarla eyni qrupa düşmüşük. Ancaq heç birinə məğlub olmaq haqda düşünmürük. Məğlub olsaq da, yaxşı mübarizə apararaq məğlub olacağıq”.

Rüstəm