"Yuventus" Poqba üçün 85 milyon avroluq təklifi qəbul etdi

"Yuventus"un futbolçusu Pol Poqbanın yay "transfer pəncərəsi"nin bağlanmasından bir həftə əvvəl "Çelsi"yə keçidinin reallaşmamasının təfərrüatları məlum olub.

Teleqraf.com xəbər verir ki, bu barədə "La Gazzetta dello Sport" məlumat yayıb. Avqustun 24-də Turin klubu 22 yaşlı fransız yarımmüdafiəçi üçün ingilislərin təklif etdiyi 85 milyon avronu qəbul edib, ancaq futbolçunun özü London təmsilçisinə keçiddən imtina edib.

Məlumatda bildirilir ki, Poqba agenti Mino Rayola ilə söhbətdən sonra belə qərar qəbul edib. Baxmayaraq ki, "Çelsi" ona ikiqat maaş təklif edirdi.

Gənc futbolçu hazırda "Yuventus"da ilinə 4,5 milyon avro qazanır.

Qəzet yazır ki, Poqbanın qiyməti artıq 120 milyon avroya qədər artıb.

Rüstəm