Tale Heydərov: "Bir xal da pis nəticə deyil"

"Yaxşı oynadıq. Hər kəs bizdən qələbə gözləyirdi. Amma bu dəfə alınmadı".

Teleqraf.com-un Qol.az-a istinadənın məlumatına görə, bu sözləri "Qəbələ"nin prezidenti Tale Heydərov Avropa Liqasının qrup mərhələsində evdə PAOK-la 0:0 bərabərə qaldıqları oyundan sonra deyib.

T.Heydərov qrupun ilk matçında qazanılan bir xalın da pis nəticə olmadığını bildirib: "Çalışacağıq növbəti matçlarda 3 xal qazanaq. Amma bizim üçün qrupun ilk oyununda bir xal qazanmaq pis nəticə deyil. Yeni transferlərimiz də özlərini yaxşı tərəfdən göstərdilər. Çalışıram ki, hər oyunda komandamın yanında olum. Böyük ehtimalla, "Krasnodar"la səfər matçında da komandanın yanında olacam".