"De Xea "Mançester Yunayted"i çempion edə bilər"

Aleks Fergüsson sabiq klubu "Mançester Yunayted"in çempionluq şansını dəyərləndirib.

Qol.Az-ın xarici KİV-lərə istinadən yaydığı xəbərə görə, o, qapıçı De Xeanın "MY"ya çempionluq qazandıra biləcəyini deyib:

"Hazırda "Mançester Yunayted" turnir cədvəlində ikinci pillədədir. De Xeanın "Real"a transferinin baş tutmaması "Mançester Yunayted" üçün yaxşı oldu. O, ölkə çempionatının gedişatını dəyişə biləcək biridir. Onun sayəsində "Mançester Yunayted" çempion ola bilər".