4 Oktyabr 2015 09:52
752
12 Punto 14 Punto 16 Punto 18 Punto

Azərbaycan Premyer Liqasının VII tura yekun vurulacaq.

Qol.Az-ın məlumatına görə, son oyun günündə daha üç qarşılaşma keçirilib.

Gəncədə "Kəpəz" doğma azarkeşləri önündə "Sumqayıt"ı sınağa çəkəcək. "Kəpəz" bu görüşdə qalib gəlməklə turnir cədvəlindəki mövqeyini yaxşılaşdırmağa çalışacaq. Lakin Sumqayıt təmsilçisi səfərdən üç xalla ayrılacağı təqdirdə turnir cədvəlində ən azı iki pillə irəliləyəcək.

Turun mərkəzi qarşılaşması "İnter Arena"da keçiriləcək. Burada "İnter" klubu Premyer Liqanın son qalibi "Qarabağ"la üz-üzə gələcək. Liderlər qrupunda qərarlaşan komandaların dueli maraqla gözlənilir. Bu görüşdə qələbə qazanacaq komanda turnir cədvəlində ilk pilləyə yüksələcək.

Günün son qarşılaşması Qəbələ şəhər stadionunda keçiriləcək. Burada yerli "Qəbələ" klubu "Xəzər Lənkəran"la münasibətlərinə aydınlıq gətirəcək. Roman Qriqorçukun komandası matçın favoriti hesab olunur. Lakin Lənkəran təmsilçisi də çətin Qəbələ səfərindən ən azı bir xalla ayrılmağa çalışacaq.

4 oktyabr (bazar)

Azərbaycan Premyer Liqası, 7-ci tur

16:00. “Kəpəz” – “Sumqayıt”
Hakimlər: Ramil Diniyev, Mehman Mahmudov, Vüqar Bayramov, Rəvan Həmzəzadə
Gəncə şəhər stadionu.

19:00. “İnter” – “Qarabağ”
Hakimlər: Elvin Əsgərov, Namiq Hüseynov, Munis Abdullayev, Xəlil Xəlilov
Bakı. "İnter Arena".

21:00. “Qəbələ” – “Xəzər Lənkəran”
Hakimlər: Rəhim Həsənov, Azər Əsgərov, Yaşar Abbasov, Ziya Nəsirov
Qəbələ şəhər stadionu.

2 oktyabr (cümə)

AZAL – “Rəvan” - 1:0
Qol: Nuqzar Kvirtiya, 7 (1:0)
Hakimlər: Rauf Cabbarov, Knyaz Əmiraslanov, İsgəndər Əliyev, Nail Nağıyev
Bakı. “AZAL Arena”

3 oktyabr (şənbə)

“Zirə” – “Neftçi” - 2:0
Qollar: İqor İvanoviç, 19 (1:0), Nelson Bonilla, 72 (2:0)
Qırmızı vərəqə: Fəhmin Muradbəyli, 47 ("Neftçi")
Hakimlər: Əliyar Ağayev, Zeynal Zeynalov, Rza Məmmədov, Ömər Paşayev
Zirə İdman Kompleksinin stadionu.


Müəllif: